保濕針成分係基礎透明質酸，滲透至皮膚淺層 (角質層下），緩解肌膚乾燥；水光針含有加強效成分 (如維生素 B5、小分子透明質酸），用微針打至真皮層，除咗補水，仲可以改善細紋、提亮，適合乾到見紋路嘅膚質。

「一次見效」肯定誇大，仲話可以「靚成年」就直頭係誤導！女神針核心成分係 PDRN (多核苷酸），用嚟刺激皮膚膠原再生，非「即靚」；通常 3 針一療程 (兩週1 針），到第 3 針膚質明顯變嫩、細紋淡咗，效果一般可延 6-8 個月。

非剝脫型：術後只會輕微紅腫，好似曬傷咗咁，敷下冰第 2 日紅腫就會褪，戴個口罩就可以返工，但要重覆多次先見效；剝脫型：針對深凹凸洞 ，1-2 次效果就好明顯，但術後 3-5 日會結焦(學名：結痂），痂皮掉之前避免化妝，適合有長假或時間較靈活人士。

原則上可以一齊打，但要注意「注射順序同間隔」，絕對唔可以亂打。順序：先打水光針 > 再打女神針；水光針成分係透明質酸，先注入真皮層可以「打底補水」；等女神針嘅 PDRN 成分更容易被吸收，效果更好。

醫學上無一個確切更換時間，而係按「假體狀態 + 身體反應」決定。定期檢查最穩陣：術後每年超聲波檢查，睇假体有冇漏液、變形、包膜有冇增厚 (避免包膜攣縮)；如果身體正常，假体又無異常，好多案例用超過15 年都仲好穩定。

公立醫只會安排做病理性眼部手術，絕對唔係以美容為目的嘅手術，例如：重症肌無力、先天性眼皮下垂等，因眼瞼肌無力導致視線受阻，呢類屬「病理性項目」，而就算有手術安排，都係以「功能復常」為題，而非「美容需求」接症。